رواية زيتونة الفصل الرابع عشر 14 والاخير بقلم عادل عبدالله
الحلقة ١٤
وضعها فايز بجواره في سيارته وأنطلق بها الي المنزل وفي الطريق كانت تغمره مشاعر السعادة والفرح بعودتها اليه وكلما نظر اليها زادت سعادته حتي فوجئ بزيتونة تجلس خلفه في السيارة وتقول له : أظن دلوقتي أنت في منتهي السعادة بعد ما حققتلك أمنيتك ورجعتهالك ؟
فايز " بسخرية " : مش أنتي اللي رجعتيها .
زيتونة : لأ يا فايز ، أنا اللي رجعتهالك بعد ما خلتها تكلم نفسها وقدرت أقنع كل اللي حولها بأنها مريضة نفسيا حتي أمها نفسها اقتنعت بمرض بنتها وببرائتك انت ولولا اللي أنا عملته كان زمانها دلوقتي اخدت حكم الخلع منك وعمرك ما كنت قدرت تشوفها تاني ولا أمها بنفسها تساعدك انك تاخدها وترجعها لبيتك .
فايز : أنا حقيقي مبسوط أنها رجعتلي لكن مش عايزها تتجنن أو أن أي حد يظن أنها أتجننت !!
زيتونة : أنت عارف يا فايز أن أسهل حاجة بالنسبالي أني أجنن اي حد .
فايز : اي حد الا ملك ، فاهمة الا ملك !!!
زيتونة : بلاش تستفزني بكلامك ده .
فايز : طيب خلاص خلاص أحنا خلاص وصلنا ، أنا هطلع ملك معايا وأرجوكي تسبينينا الليلة .
زيتونة : لأ ، هطلع معاك وهتكون معايا لأني عايزاك دلوقتي .
فايز : بلاش النهاردة أنا عايز ملك لما تصحي وتتفاجئ انها عندي أكون فايق علشان أقدر اهديها واخفف عليها الصدمة .
زيتونة : لأ ، أنت كده هتخلف عهدنا !!!
فايز : حاضر مش هقدر اقول غير حاضر .
بعد عدة ساعات بدأت ملك في الأستفاقة من أثر المنوم وبدأ وعيها يعود اليها شيئا فشيئا حتي صدمت بوجود فايز بجوارها !!!!!
ملك " تصرخ " : أنا جيت هنا أزاي ؟؟؟
فايز : متخافيش يا حبيبتي .
ملك : أنت خط.فتني ولا عملت فيا ايه ؟
فايز : أرجوكي بلاش كلام دلوقتي أنتي تعبانة وبلاش نتكلم دلوقتي أحسن ، لما تهدي خالص نبقي نتكلم .
ملك : أنا لازم أمشي حالا .
فايز : لأ علشان خاطري ، أديني فرصة أغير فكرتك عني وتشوفيني في نفس الصورة اللي حبتيني بها .
ملك : للأسف الصورة اللي حبيتك بها كانت صورة مزيفة مش حقيقية ، أبعد عني وسيبني أمشي من فضلك .
حاول فايز أقناعها بشتي الطرق بعدم الرحيل ولكنه لم ينجح حتي حينما حاول منعها فشل واستطاعت ملك أن تفر منه وتخرج من المنزل بينما حاول فايز اللحاق بها .
ظلت ملك تجري في الشوارع ليلا وفايز خلفها يحاول اللحاق بها حتي أستوقفتهم أحدي سيارات الشرطة !!!
الضابط : أنتي يا مدام بتجري كده ليه في الوقت ده ؟ ومين اللي بيجري وراكي ده ؟
فايز : يا فندم دي مراتي وفيه سوء تفاهم بينا وزي ما سيادتك شايف هي جريت وانا جريت وراها بحاول أهديها وأرجعها البيت .
ملك : متصدقوش يا فندم ، حضرتك ده صحيح جوزي لكن انا رفعت ضده قضية خلع علشان هو بيشتغل بالسحر وهو خطفني وأنا نايمة في بيت أهلي .
فايز : يا فندم اسمحلي هي اعصابها مشدودة شوية بسبب الخلافات اللي بينا لكن مفيش اي حاجة من اللي هي بتقولها دي حقيقة .
الضابط : أنتوا تيجوا معايا القسم وهناك هنعرف مين فيكم الصادق ومين الكداب ونحل المشكلة دي .
ركبت ملك ومعها فايز سيارة الشرطة وذهبا مع الضابط وقوة الشرطة الي قسم الشرطة وهناك وقفوا جميعا وأعادوا نفس كلامهم مرة أخري أمامه .
في هذا الوقت ظهرت زيتونة أمام ملك وظلت تخاطب ملك دون أن يراها الضابط !!!
شاهد الضابط ملك تتكلم ولم يري أمامها أحدا فظن أنها مريضة !!!
الضابط : واضح ان زوجتك مريضة نفسيا يا استاذ .
ملك : أنا مش مريضة يا فندم ، أنا بكلم زيتونة العفريتة بتاعته .
فايز : لأ يا فندم هي مش مريضة لكن اعصابها تعبانة شوية مش أكتر .
الضابط : واضح انك بتحبها وبتحاول تدافع عنها ، لكن الحقيقة بالشكل اللي أنا شايفه ده مش هقدر أخرجها من هنا و لازم أرسلها لمستشفي للطب النفسي لتوقيع الكشف عليها !!!
فايز : يا فندم مفيش داعي انا زوجها واقدر أراعيها كويس .
الضابط : يا أستاذ مش هقدر أخرجها قبل ما نطمن علي سلامة قواها العقلية لأنها ممكن تكون خطر عليك وعلي اي حد وعلي نفسها كمان !!!
وبالفعل تم تحويل ملك الي مستشفي للطب الطبي بينما كانت صرخاتها تعلو منطلقة في كل مكان تحاول اقناع الجميع بسلامتها دون أن يسمعها أحد !!
عاد فايز الي منزله وهو في قمة الحزن والغضب !!
أختفت زيتونة ليوم كامل كان خلاله فايز يصب لعناته عليها بسبب ما فعلته بحبيبته ملك وما أوصلتها اليه !!
حتي ظهرت زيتونة له مرة أخري وبمجرد رؤيتها ....
فايز : أنتي أزاي تعملي في ملك كده ؟؟
زيتونة : عملت ايه يا حبيبي ؟ أنا معملتش حاجة .
فايز : انتي السبب في اللي هي فيه دلوقتي ، يكون في علمك أنا بكرهك وخلاص العهد اللي ما بينا انتهي .
تطلق زيتونة ضحكة عالية : مش بمزاجك يا حبيبي ، مش بمزاجك فاهم ؟!!
فايز : خلاص أنتي بأفعالك دي نهيتي أي عهد بينا ومن النهاردة مش عايز أشوفك تاني .
زيتونة : يبقي بتحكم علي نفسك بالمووت !!
فايز : أنتي كدابة ولا تقدري تعمليلي حاجة ، اوعي تكوني فاكرة أني معرفش غيرك !!! أنا أعرف غيرك كتير أنا أعرف اللي ممكن يد.مرك أنتي شخصيا .
زيتونة : فايز أنت موهوم ، أنت لحد دلوقتي مشوفتش وشي التاني ولا تعرف أنا ممكن أعمل فيك ايه !!!
فايز : أنتي بتهدديني ؟!! وانا مش بتهدد ومن النهاردة مش عايز أشوف وشك تاني .
تطلق زيتونة ضحكة عالية مرعبة وتقول : أنت فعلا من النهاردة مش هتشوف وشي ده تاني !! خلاص أنت دورك أنتهي وهيكون مكانك ألف واحد غيرك .
فايز " بخوف " : يعني ايه ؟؟
تضحك زيتونة بصوت عال مزلزل وتنطفا الأنوار ويحدث ضجيج شديد جدا ويشاهد فايز الدخان يتصاعد من كل مكان !! وفجأة تتحول زيتونة لصورة كائن بشع الصورة !!! صرخ فايز صرخة مدوووية............
دخلت ملك المستشفي ولم يهدأ بكائها وصراخها لحظة واحدة .
وبعصبية شديدة تحاول توضيح الحقيقة للجميع بلا جدوي !!!
ولعدة أيام متتالية لا تتناول أي طعام وخضعت لكورس طبي من الأدوية المهدئة !!!
وبعد عرضها علي عدة أطباء و تكرار كلامها معهم جميعا عن فايز وزيتونة وافعال السحر وتحضيرالشياطين أجمع كل الأطباء علي أنها تعاني من هلاوس سمعية وبصرية !!!
حاولت الأم الاتصال بملك للأطمئنان عليها عدة مرات لكنها وجدت هاتفها مغلق دائما فبادرت بالاتصال بفايز للأطمئنان منه علي ابنتها ، لكن هاتفهه هو أيضا مغلق بأستمرار !!!
تسرب اليها القلق وسيطر عليها لعدة أيام متتالية حتي ذهبت الي شقة فايز ودقت جرس الباب مرات عديدة ولوقت طويل دون مجيب !!!
تملكها خوف شديد علي مصير أبنتها فأضطرت للذهاب لقسم الشرطة لتقديم بلاغ ، وقصت لضابط الشرطة الموقف كاملا .
أنتقلت قوة من الشرطة علي رأسها ضابط المباحث الي شقة فايز وقاموا بفتح باب الشقة لتهاجمهم رائحة كريهة جدا !!!
خافت الأم وجرت نحو غرفة النوم ومعها الضابط ليشاهد أبشع صورة لانسان مييت !!
جث.ة فايز في حالة تعفن وتبدو علامات من الرعب علي وجهه لم يشاهد أحدا مثلها من قبل !!!
وبعد اقل من ساعة كان رجال الطب الشرعي والبحث الجنائي يقومون بعملهم ولكن العجيب أن أطباء الطب الشرعي ورجال البحث الجنائي قاموا بتصوير وجه فايز وعلامات الرعب الموجودة علي وجهه من عدة زوايا بعدما قالوا أنها صورة لعلامات رعب نادرة يجب الاحتفاظ بها !!!!!!
ما أصاب رجال المباحث بالحيرة هو ماذا شاهد فايز حتي يصل لهذه الدرجة من الرعب !!
وبعد فحص الشقة ومحتوياتها جيدا قامت قوة الشرطة بتحريز كتب السحر الكثيرة الموجودة في المنزل .
وثبت امام الجميع الان ان كل كلام ملك كان حقيقي وليست هلاوس او تهيؤات وأنها سليمة نفسيا وعقليا تماما .
خرجت ملك من المستشفي بعدما علمت بموووت فايز بهذه الطريقة البشعة ، وفوجئت بتهنئة والدتها لها !!!
الأم : ألف مبروك يا ملك ، ألف مبروك يا بنتي .
ملك : مبروك علي أيه يا ماما ؟؟
الأم : أنتي ورثتي فلوس كتير أوي من فايز غير الشقة كمان بقيت بتاعتك .
ملك : فلوس !! من فلوس فايز ؟؟ مستحيل يا ماما .
الام : ليه يا ملك ؟
ملك : دي فلوس كلها حرام في حرام مش عايزاها والشقة كمان مش عايزاها ، الحمد لله أني خرجت من الموضوع ده علي خير ، هي صفحة قذرة واتقفلت وبأذن الله أبدأ حياتي من جديد .
بقلم الكاتب عادل عبدالله
أنتهت .
تمت
